“Azərbaycan Respublikasının Ekologiya və Təbii Sərvətlər Nazirliyi (Nazirlik), Azərbaycan Respublikasının Mərkəzi Bankı (Mərkəzi Bankı), Azərbaycan Mikromaliyyə Assosiasiyası, Azərbaycan Banklar Assosiasiyası, Azərbaycan Sığortaçılar Assosiasiyası, Azərbaycan Fond Bazarı İştirakçıları Assosiasiyası və Azərbaycan Fintex Assosiasiyası arasında 13 mart 2023-cü il tarixində “Ümummilli lider Heydər Əliyevin anadan olmasının 100-cü il dönümü münasibəti ilə ağacəkmə tədbirləri üzrə əməkdaşlığa dair Anlaşma Memorandumu”u imzalayıblar.”
15 Mart 2023-cü il tarixində Müşfiqabad qəsəbəsində “Hərəryə bir ağac əkək , gələcəyə nəfəs verək” şuarı altında keçən ağacəkmə tədbirdə BOKT Embafinans QSC də iştirak edib və ölkəmizin yaşıllanmasına öz töhvəsini verib. Aksiya zamanı 3 hektar ərazidə Abşeron yarımadasının torpaq-iqlim şəraitinə uyğun 300-ə yaxın Eldar şamı və zeytun ağacı əkilmişdir.
Qeyd edək ki, Memorandum çərçivəsində bu ildən başlayaraq 10 il ərzində hər il 100 000 ağac olmaqla, ümumilikdə 1 000 000 ağac əkiləcəkdir.